Subscribe to this RSS feed


 Persoas beneficiarias

Poderán ser beneficiarias das axudas reguladas nesta orde:

– As persoas traballadoras autónomas que estean de alta no réxime especial de autónomos ou en mutualidade de colexio profesional, que teñan domicilio fiscal en Galicia, que teñan unha antigüidade na realización efectiva dunha actividade empresarial ou profesional de maneira ininterrompida na data da solicitude da axuda por un prazo superior a 42 meses e que teñan un rendemento neto reducido dos rendementos de actividades económicas declarados na declaración do IRPF anual inferior a 30.000 euros e unha facturación mínima anual de 12.000 euros, IVE incluído, declarados no ano anterior ao da convocatoria.

– As sociedades de calquera clase e comunidades de bens con domicilio fiscal en Galicia e que cumpran os seguintes requisitos:

a) Ter unha persoa autónoma societaria cunha antigüidade na realización efectiva dunha actividade empresarial ou profesional de maneira ininterrompida na data da solicitude da axuda por un prazo superior a 42 meses.

b) Ter a empresa unha facturación mínima anual de 12.000 euros, IVE incluído, na última declaración realizada.

c) Ter a empresa unha base impoñible no imposto de sociedades da última declaración realizada inferior a 30.000 euros. No caso de entidades que tributen en réxime de atribución de rendas, este importe de 30.000 euros referirase ao rendemento neto reducido dos rendementos de actividades económicas declaradas no IRPF.

 

 

Subvención do bono das persoas autónomas

Poderase conceder para a mellora da competitividade da actividade empresarial ou profesional das persoas beneficiarias desta orde, mediante pagamento anticipado, unha subvención dun 80 % da actividade por subvencionar cun límite máximo de 3.000 euros de axuda polo conxunto de actividades subvencionables, sendo o resto do gasto por conta da persoa beneficiaria.

 

Esta axuda terá dúas liñas de actuación:

 

Liña 1.

– Investigación de mercado.

– Plan de márketing.

– Plan de comunicación do negocio.

– Plan estratéxico do negocio.

– Plan de crecemento: constitución da sociedade.

– Plan de reorientación do negocio.

– Plan de uso das novas tecnoloxías no negocio.

– Plan de refinanciamento.

 

 

Liña 2.

– Compra de maquinaria.

– Compra de útiles e ferramentas.

– Reforma do local do negocio.

– Equipamentos informáticos.

– Rótulos.

– Aplicacións informáticas e páxinas web.

– Creación de logotipo do negocio.

– Mobiliario.

 

 

Prazo

Aberto ata o 2 de agosto.

*Bule! O criterio de prioridade que se aplica é a data de presentación ata esgotar o orzamento

DOG Nº 124 do 2019/07/02: https://bit.ly/2KSrFmh

Wednesday, 05 July 2017 11:17

MDCL: Así o fixemos

Written by Administrator

A parte de ser o decano dos Museos Galegos e estar ubicado nun edificio declarado Ben de Interese Cultural e Patrimonio da Humanidade pola UNESCO como o é a Catedral de Santa María, o Museo Diocesano e Catralicio de Lugo é moi importante para o noso estudo.

 

Queres saber por que? Pos ben, imos aló!

 

No ano 2014 comezamos a traballar na reforma do museo, o proxecto máis grande que realizábamos ata o momento e que vería á luz en 2017, coincidindo co noso 20 aniversario e consolidando a tatata como un referente galego no ámbito museográfico! Non nos podía facer máis ilusión porque ademais o MDCL tamén estaba a piques de celebrar o seu centenario. Sen dúbida, todo un reto profesional do que presumir!

 

Antes de poñernos mans á obra, a nosa premisa estaba clara: facer unha reforma que respectara por riba de todo a Catedral de Santa María e plantexando un museo que non deixase pegada no edificio.

 

Proxecto museográfico

Durante a primeira etapa do proxecto ideamos coidadosamente a distribución do guión expositivo (elaborado por Carolina Casal conservadora do museo) no espazo, así como o seu deseño respectando sempre as características do edificio para integrar o museo na Catedral de Lugo. Creamos un discurso visual basado no conceptual permitindo que as obras e mailos textos que as acompañan se presenten de xeito óptimo para a súa acertada interpretación.

 

Produción

Tamén traballamos na elaboración de dispositivos museográficos como bases, vitrinas, soportes, entre outros, responsables de que unha obra cobre maior ou menor forza. Estudamos, xunto cos responsables do museo, na selección de cores das paredes, os rótulos e todos aqueles elementos que nunha exposición acompañan ás pezas ca fin de poñelas en valor. Seleccionamos a distribución e deseño da iluminación, madeira, cristal... traballando con empresas locais.

 

Deseño gráfico e comunicación

Para crear a identidade corporativa do MDCL (logo, entradas...) basámonos na súa peza central, o Crismón de Quiroga. Dende o estudo tamén traballamos no deseño da sinaléctica, paneis explicativos, folleto e placa institucional para dotar esta nova etapa do museo dunha comunicación e deseño coordinado e integrado co espazo.

 

 

 Museo Diocesano e Catedralicio de Lugo

 

[Fotografías da Diócese de Lugo]

 

O proxecto da reforma do Museo Diocesano e Catedralicio de Lugo é un claro exemplo das capacidades das empresas locais en proxectos de gran valor. Por iso, queremos agradecer á Diócese de Lugo por apostar polo noso equipo nun proxecto de tal envergadura.

 

O resultado final do museo provoca aos visitantes unha experiencia innovadora ofertando un museo vivo, aberto e atractivo. Animámosvos a ir visitalo, e gozar dunha colección de obras e pezas que repasan non só a historia da Igrexa na Diócese Lucense, senón que supoñen un percorrido pola historia de Galicia.

Tes un proxecto gráfico en mente e queres mostrarllo ao mundo?

Se ben é certo que unha imprenta está a maquetar libros, folletos ou calquera outro material gráfico, o resultado, frente ao traballo dun deseñador, é totalmente diferente ao igual que o son as profesións. Por un lado, o traballador dunha imprenta require formación en artes gráficas mentras que o deseñador realizou estudos de deseño gráfico. Coa fin de buscar calidade, coidado ata o máis mínimo detalle, creatividade, un deseño que funcione co contido e un resultado profesional a decisión é contratar a un deseñador ou deseñadora.

 

 

traballando

Vexamos, de xeito esquemático, as razóns e ventaxas polas que se debe traballar con profesionais do deseño para a maquetación dun librou ou de calquera outro traballo que implique deseño e maquetación:

 

1) Experiencia: O deseñador ten unha experiencia máis profunda no desenvolvemento de proxetos, ten moito coñecemento dos sectores e as súas tendencias, do cliente e os seus produtos, pero sobre todo ten moita información do público obxectivo e os seus gustos de consumo.

 

2) Solucións de deseño e maquetación profesionais: Claramente o labor dun deseñador de imprenta, é a de axustar e montar pranchas cos deseños dos clientes/deseñadores.

Na imprenta a experiencia e o coñecemento do proxecto e os sectores específicos, redúcense pola súa falta de profundidade, ao non haber tempo para desenvolver todos os labores de investigación e desenvolvemento que xiran ao redor do deseño.

 

3) Creatividade: Esta é a gran diferencia, o que fai único cada proxecto. A creatividade cultívase como un xardín, é preciso coidala e darlle alimento. Un deseñador é xardineiro da súa propia creatividade, cóidaa e aliméntaa con cada proxecto, dando como froito traballos únicos e personais que marcan a diferencia do cliente coa súa competencia.

Na imprenta a creatividade quédase na porta, non ten cabida nun sistema industrial e productivo. Pensar cun deseñador na pequena sala de ordenadores dunha imprenta pode defender a súa creatividade é un erro.

 

4) Calidade e garantías no resultado final do proxecto: As razóns son varias e resúmense nunha: no é o mesmo.

 

O teu proxecto merece que os detalles importen, o teu proxecto merece mostrarse ao mundo do xeito máis bonito posible.

Wednesday, 04 January 2017 12:42

Tamaño e capacidades adaptadas ao cliente!

Written by Administrator

Vimos de festexar o 50 aniversario de Caixa Rural Galega do mellor xeito posible: traballando na súa celebración!


A Caja Rural Provincial de Lugo, unha sociedade cooperativa de crédito, dirixida a labregas, labregos e gandeiros soubo manter durante esta metade de século o espíritu que lle deu orixe ata converterse na Caixa Rural Galega que hoxe conta cuns 15.000 socios. Como non ía celebralo por todo o alto?


Para nós foi un pracer ben grande encargarnos deste proxecto que requería organización, coordinación, constancia, moitas horas de traballo e moito amor, como todo o que facemos! O esforzo de todo o noso equipo de profesionais viu os seus froitos o pasado 16 de decembro cunha gala á que acudiron máis de 200 persoas.


Dende TATATA comunicación e deseño encargámonos da organización da gala do 50 aniversario, da maquetación do libro “50 anos cos pés na terra” da xornalista Marta Veiga e da creación dun vídeo de agradecemento para clientes e traballadores. Traballamos tamén no deseño gráfico do evento, da cea e da publicidade en prensa e na creación do deseño de marca do medio século de vida de CRG adaptándoo a todos os soportes utilizados.

 

 


Ver vídeo 50º aniversario Caixa Rural Galega

 

 

 

 

 

 

Este proxecto é unha mostra da importancia do traballo en equipo para que todo marche sobre rodas! Pero tamén da importancia de contactar cunha axencia que reúna o tamaño e capacidades profesionais adaptadas ás necesidades do cliente. Nós témolo claro! A base do éxito está en mans, corazóns e mentes traballando en equipo para xuntar ideas e darlles forma!

 

O 50 aniversario de Caixa Rural Galega é un dos últimos proxectos no que participamos todo o equipo humano de TATATA! Grazas por darnos a oportunidade de seguir descrubríndonos a nós mesmos. Grazas por ser unha das entidades máis destacadas de Lugo e confiar na forza  dunha axencia local ;)

Thursday, 17 November 2016 16:43

O cartel, expresión artística de información

Written by Administrator

A función principal do cartel é a de comunicar ou divulgar unha información de xeito visual, momento no que a súa estética adquire valor.


Lonxe da súa importancia como medio de publicidade e información visual, o cartel ten un valor histórico indiscutible como medio de divulgación en importantes movementos de carácter político ou artístico. Quen non coñece o famoso e propagandístico We Can Do It!  de J. Howard Miller?


Estamos a falar dun medio de expresión que evolucionou coa sociedade e coa cultura. Polo tanto, ademais da súa función de comunicación e o seu uso estético, pode ser considerado como un documento donde queda plasmada a historia mailo tipo de sociedade que o crea.


O cartel continúa, cada día, experimentando cambios de adaptabilidade, introducíndose nos museos e galerías, nos tellados, nas paradas de autobuses, nas redes sociais e incluso nas paredes das nosas casas… afianzándose, de diversas formas e máis ca nunca, á súa permanencia como rei da comunicación gráfica contemporánea e como medio de expresión.

Cartel Lubicán 2016 | Deseño TATATA

[Cartel Lubicán 2016 | Deseño de TATATA]

 

 

 

Pero para que todo isto sexa posible é esencial un riguroso estudo e un intenso traballo por parte dos profesionais do deseño gráfico e da comunicación. Unha petisco de creatividade, con coherencia entre gráfica e texto e tamén unha total adaptabilidade da mensaxe á marca e aos seus receptores. Esa é a mistura perfecta para que un cartel funcione.


O noso estudo leva anos traballando no deseño de carteis a nivel galego, unha experiencia que sen dúbida convida ao cliente a confiar totalmente no resultado final.

As redes sociais abriron un novo xeito de comunicar. Chegaron para quedarse, e non únicamente no ámbito personal. Lonxe de ser unha moda que vai e ven, son unha nova forma de comunicación entre marcas e clientes, e viceversa.

 

Pero a simple presencia nelas non é suficiente. É preciso coñecer ben que son, que beneficios poden aportar, que tipo de estratexias se poden levar a cabo e sobre todo é necesario saber diferenciar os seus usos para adaptar a mensaxe.

 

É por iso que teñen un lado negativo cando non son ben levadas ou abandonadas. A imaxe que transmiten os nosos perfís sociais é a imaxe que teñen os nosos seguidores sobre a marca. Imaxina un perfil social abandonado, con faltas de ortografía ou pouco coidado… Que sensación che trasmite?

 

[Perfil de Facebook da D.O.P. San Simón Da Costa]

 

 

 

A clave das redes sociais para marcas concívese baixo tres ces: Crear, Compartir e xerar Confianza. Podemos comezar por crear e compartir publicacións de interés; sen embargo conseguir que os seguidores confíen na marca é un traballo que require tempo, constancia e esforzo.

 

Beneficios do uso de redes sociais para as marcas:


1- Comunicación directa, inmediata e máis cercana: as redes sociais achégannos aos nosos seguidores, de xeito que serven de vehículo para responder dudas, recibir suxerencias e resolver posibles queixas entre outras.

 

2- Axudan a mellorar a imaxe da marca e á fidelización: se os perfís sociais están actualizados e ben levados a imaxe cambia para ben mediante as acción levadas a cabo na rede, concursos, sorteos e os propios contidos de interés creados pola marca…

 

3- Novas posibilidades de mercado: as redes sociais abren novas portas debido a que eliminan as barreiras xeográficas á maior visibilidade da marca.

 

Como conclusión, as redes sociais son unha gran oportunidade comunicativa para as marcas, que deben de apostar por perfís xestionados por profesionais da comunicación para conseguir bos resultados.

Coidar a imaxe da túa marca, empresa ou institución é unha das inversións que máis se amortizan. Os que nos adicamos, dende fai anos, ao mundo do deseño atopámonos con clientes que se “aventuran” a deseñar por conta propia, considerando acudir a un profesional un gasto innecesario.


Ben é certo que nos últimos tempos os programas de deseño están feitos de tal xeito que persoas inexpertas no tema poden chegar a argallar e facer deseños “aparentes”.

 

Non obstante, débense ter en conta unha serie de factores para deixar esta tarefa en mans de profesionais xa que, crear a identidade dunha marca ou empresa precisa de coñecemento previo de imaxe corporativa, deseño, simbolismo de forma e cores, debuxo, coñecemento de tipografías, comunicación, creación de textos, semiótica e outros moitos conceptos. Todo, sen esquecernos de coñecemento na preparación da arte final para que non salga defectuoso na súa producción.

 

Deseño de Imaxe Corporativa

 

 


A Indentidade Corporativa trátase da concepción psicolóxica ou valores que transmite unha entidade en concreto. É algo así como a imaxe persoal que transmite unha empresa, marca ou institución; a súa esencia. Está composta por todos os factores dunha entidade, dende a imaxe visual do deseño, pasando polo uso das redes sociais ata o xeito de comunicar.


Comprender a importancia que ten reflexar unha imaxe e comunicación coherentes a través dunha imaxe visual, que capte a esencia da marca, axuda a darnos conta da complexidade desta profesión e a desmentir a idea de que o traballo do deseñador gráfico é cousa de nenos.


Nunca hai unha segunda oportunidade para crear unha primeira boa impresión e na sociedade actual, acostumada a unha vista rápida de calquera mensaxe, o deseño desempeña un papel fundamental para comunicar xa que non precisa de máis axuda.

 

Ademáis, está demostrado que deseño é unha inversión que trae beneficios:

 - Axúdache a que se coñeza o teu negocio

 - Diferénciate dos competidores

 - Transmite a esencia da túa marca ao público

 - É o responsable dunha porcentaxe alta das ventas

 


Deseño de Imaxe Corporativa

|As fotografías do artigo son unha mostra dun dos traballos de Imaxe Corporativa, realizados polo equipo de TA TA TA, aos que lle adicamos tempo e toda a ilusión do mundo para sacar o mellor dos resultados. Tamén podes ver o deseño da súa web scurve.es  |

¿Estudo de deseño gráfico ou freelance?

Seguro que te fixeches esta pregunta algunha vez. E non é para menos, xa que as implicacións de traballar cun ou con outro van máis aló do prezo. Lembra que o barato acaba saíndo caro. A pesar de que ambas opcións son aceptables e todo depende dos resultados que queiras obter, un estudo de deseño sempre ten a posibilidade de ofrecerche MÁIS ca un freelance


Trabajo en equipo

 

 


1- Máis dispoñibilidade

As axencias ou estudos contan con máis profesionais ao seu cargo polo que a dispoñibilidade sempre é maior. Modificarán a súa axenda para dar cabida ao teu proxecto mentras que o freelance independente só poderá facerse cargo do cliente en canto acabe cos proxectos que ten abertos.

 

2- Máis garantías

Un estudo de deseño asegúrache a continuidade, compromiso e calidade do teu proxecto.

Imaxina que o freelance se pon enfermo, marcha de viaxe… será un tempo perdido no teu proxecto mentras que se o deixas en mans dun estudo iso non impedirá que o proxecto siga en marcha. A calidade está garantizada polas referencias dos traballos a clientes con grandes e pequenos proxectos.


3- Máis versatilidade

Un estudo ofréceche, se quieres, servizos alternativos que apoiarán o teu proxecto (redes sociais, impresión, campañas, distribuidores…) Seguramente poden aconsellarte en diferentes ámbitos relacionados debido á súa variedade de traballadores.


4- Máis ideas

Un grupo de deseñadores e comunicadores colaboran nas ideas, polo que ofrecen una ampla gama de resultados. A creatividade de grupo é máis variada que a dunha persoa.


5- Máis tranquilidade

Sentiraste máis despreocupado deixando o teu proxecto en mans dun estudo de deseño porque tes garantías profesionais e referencias de outros clientes que o freelance está construíndo.

Thursday, 22 December 2011 11:43

Editorial design "ANACOS"

Written by Administrator
Hoy a 20:00 en el salón de actos de la diputación se presentará una de nuestras últimas publicaciones. ANACOS, TRAZOS DE LUZ DENDE O CEO. FOTOGRAFÍAS AÉREAS DA PROVINCIA DE LUGO de Elena Guerrero Pascual y Xosé Pedro Fouz Hernández. Diseño editorial, maquetación y preimpresión made in TA TA TA.
Estáis todos invitados al acto de presentación!




Diseño editorial Anacos



Diseño editorial Anacos
<< Start < Prev 1 2 Next > End >>
Page 1 of 2